Arbnor Mujës i rritet vlera, tani kushton 1.5 milionë euro

23:52 | 22 Mars 2023
E.H

Arbnor Muja po shkëlqen pas transferimit te gjiganti belg Royal Antwerp, ku edhe ka marr ftesë nga Përfaqësuesja A e Kosovës për dy ndeshjet e muajit mars.

Por sulmuesi anësor ka marrë një tjetër lajm të mirë, pasi tanimë ka arritur shifrën e 1,5 milion eurove në tregun e transferimeve.

Faqja e specializuar për vlerësimet e futbollistëve, ‘Transfermarkt’ tani e vlerëson ish-anëtarin e Dritës me shumën e 1,5 milion eurove, shkruan telegrafi.

Kjo është vlera më e madhe që ka pasur Muja ndonjëherë, pasi tetë muaj më parë sa ishte te Drita vlente vetëm 250 mijë euro.

24-vjeçari ka luajtur 22 ndeshje me Antëerpin duke realizuar tre gola e duke asistuar në katër të tjerë.

Sigurisht që vlera e rritur e Mujës gëzon edhe Dritën që ka ruajtur 20 për qind të kartonit nga shitja e ardhshme.

Shpërndaje në rrjete sociale

Lajmet më të lexuara

Të ngjashme

Foto lajm